Kichegerabbels
Kichegerabbels(Küchenrevue)
MUSIKALESCH ERZIELUNG MAT KAMMERMUSEK A BRÄILÄFFEL
Sprache: Lu - Dauer: 50'
(6-10 Jahre)
Nu kuck, an opeemol ass d’Kichegeschier lieweg ginn!
Tëscht gefëllte Croissanten a geblimmelten Téitasen schwieft e klengt Zockerdëppechen duerch eng fantastesch Welt: Nossknacker, déi danzen, Jhellis-Téikäpp, déi am Däischtere liichten…et dämpt an dréint a rabbelt a réiert. An dann ass do nach deen toxkäppegen Deckel, deen net esou richteg bei säin Dëppche wëllt passen…
“Kichegerabbels” verbënnt d’Wierk La Revue de Cuisine vum Bohuslav Martinů mat Objetstheater an Erzielung an erzielt op spilleresch a visuell Aart a Weis, wéi d’Kiche kann zur Bün ginn. Musek, Beweegung a Sprooch fléissen aneneen an erméiglechen eis e ganz neie Bléck op Géigestänn, déi mir all Dag benotzen ouni all ze vill iwwert se nozedenken.
Premiere:
Mëttwoch, 25.03.2026, 10h, Trifolion Echternach, Salle Agora,
Schoulvirstellung (relaxed performance)
Weider Virstellungen:
25.03.2026, 14h, Trifolion Echternach, Salle Agora Schoulvirstellung (relaxed performance)
26.03.2026, 10h, Trifolion Echternach, Salle Agora Schoulvirstellung
26.03.2026, 17h, Trifolion Echternach, Salle Agora
ëffentlech Virstellung
Booking:
E-mail: booking@koplabunz.com
Team
Kopla Bunz:
Ela Baumann Regie
Betsy Dentzer Erzielung an Objetsmanipulatioun
Krischan Kriesten Luuchtendesign
Valentina Becker Make-up
Marko Mladenovic Accessoires
Piera Jovic Regieassistenz
Laetitia Lang Theaterpedagogik
Audrey Dero Bléck vu baussen
Kammerata Luxembourg:
Sandrine Cantoreggi Gei
Tom Feltgen Cello
Stefan Kronthaler Klarinett
Pierrick Demoisy Fagott
Jeff Mack Trompett
Béatrice Rauchs Piano
No BOHUSLAV MARTINU, La Revue de Cuisine , H. 161
Produktioun Kammerata Luxembourg,
Koproduktioun Kopla Bunz Escher Theater, Trifolion, Cube 521
Mat der Ënnerstëtzung vum Ministère de la Culture, Oeuvre Nationale Grand-Duchesse Charlotte, Fondation Loutsch-Weydert, Fondation Indépendance, Fondation Été
Eng Relaxed Performance riicht sech un e Publikum, dee vun enger inklusiver an entspaanter Atmosphär ronderem a wärend engem Bünespektakel profitéiert, besonneg u Mënschen mat spezifesche Besoin’en, zum Beispill mat enger kierperlecher oder kognitiver Behënnerung, mat Konzentratiounsschwieregkeeten, Angschtstéierungen oder och chronescher Péng. De Begrëff dréckt aus, dass all eenzelne Mënsch am Theater -oder Kulturraum Wëllkomm ass, ouni iwwert séng perséinlech Grenze mussen eraus ze goen. De Begrëff gëtt ausserdem och fir Virstellunge fir ganz kleng Kanner an hier Eltere benotzt.
